(Tranzicion) - Për Integrimin

Për Integrimin


Për shpirtin e ndarë më dysh..
më tresh a më katërsh...
unë i them Po Integrimit.

Pë horizontet e mbyllura të Botës,
për Murin e turpshëm të Be Shengenit,
pa mëdyshje i them Po Integrimit.

Për qumështin e munguar të fëmijës,
për frutin e keq të Pemës së Mjerimit,
i them Po Integrimit.

Për ngjyrat e Jetës, që s’i njoha,
për librin e munguar të Kafkës,
për fjalën e pathënë,
për vlerën e përbuzur,
për Ëndrrën e paguxuar,
pa mëdyshje i them Po Integrimit.

Por... (Gjithmonë ka një Por,
Gjithmonë ka një pyetje.)

Pra:... përse veten duhet ta shajmë,
me rrënjë e dhëmballë?

Ose: Kur të kemi shitur token, ajrin, detin;
kur të kemi hapur varret...
për të shitur eshtrat, dinjitetin,
c’do të na ngelet kur të arrijmë Komunitetin?


2006