Një buzëmbrëmje vere
Për të bërë një peisazh,
këtë buzëmbrëmje
të butë vere,
më mjaftoka të hap derën
e shtëpisë ku banoj.
Përmes degëve
e fletëve
të hardhisë,
duken shtëpitë e bardha, rrëzë shkëmbijsh murrashë.
Pemët gjelbëroshe,
kaq herët,
kokën kanë mbështetur
mbi jastëkë çatish.
Brenda dhomës ndiej
të ketë hyrë
një pjesë e Botës sime. Dhe unë,
sic i behet korniza një peisazhi,
vetëm sa hoqa vizat në kasën e derës, dola jashtë
dhe e vara këtë tablo
tutje në horizont,
në një mur të kësaj Bote.
Subscribe to:
Post Comments (Atom)
No comments:
Post a Comment